ضربة معلم.. “لابيجي” دالناظور طيحات أخطر مهرب ديال الحشيش فإقليم الدريوش

فأكبر ضربة دارتها “لابيجي” فالناظور فشهر رمضان، طيحات اليوم العناصر ديال الشرطة القضائية، أخطر مهرب ديال الحشيش فإقليم الدريوش.

استنفار أمني كبير عاشتو جماعة “وردانة” فنواحي مدينة “بن الطيب” فإقليم الدريوش، بحيث تجندات عناصر لابيجي دناظور، من ليلة البارح الإثنين، باش تنجح العملية، وتجيب رئيس أخطر عصابة إجرامية فالمنطقة، بحيث سدات عليه جميع منافذ الهروب.

الموقوف كان موضوع مذكرات بحث وطنية، حول الإتجار الدولي للمخدرات واستعمال السلاح وسرقة السيارات، بحيث تمت المداهمة ديال دار كان مخبع فيها وسط جماعة “وردانة”.

فنفس العملية دخلات الفرقة الأمنية اللي دارت هاد لافير لواحد الدار أخرى، كتواجد فجماعة “بن الطيب”، كانت العصابة كتخزن فيها الحشيش والمسروقات اللي كاتحصل عليها من العمليات الإجرامية.

ولحدود الساعة مزال ما تكشفات المحجوزات اللي دارت العناصر الأمنية عليها اليد، بحيث مزال ما بان واش تحجزات شي كمية ديال المخدرات فالدار المذكورة أو غير الطوموبيلات اللي كانت مخبعا فيها.

مقالات ذات الصلة

26 فبراير 2023

تعبئة متواصلة لمراقبة الأسعار وتتبع تموين الأسواق بإقليم ميدلت

26 فبراير 2023

ورزازات.. دعوة إلى السفر في قلب الصحراء

26 فبراير 2023

الاتحاد البرلماني العربي ينتفض بوجه نظيره الأوروبي رافضا نهج الوصاية والاستعلاء اتجاه عدد من الدول العربية

26 فبراير 2023

شركة إسرائيلية متخصصة في تقنية الري بالتنقيط تفتح ثاني مصنع لها بالمغرب