“هافضحكم وأعملكم قضية تشهير”..مي حلمي رداً على متداولوا خبر طلاقها

كتبه كتب في 14 أغسطس 2020 - 1:01 م
مشاركة

قررت الاعلامية مي حلمي الظهور في فيديو مطول “لايف” عبر خاصية “القصص القصيرة” بموقع “إInstagram” وهاجمت فيه من أرسلوا لها رسائل حول انفصالها من الفنان محمد رشاد.

,قالت منفعلة :” وبعدين أنتم ميتقالكومش غير كلمة وبعدين بكل القرف اللي في الدنيا، الواحد يتجوز، يتطلق،أنتوا مالكم أنتوا
واللي زاد وغطا يقولوا أصل هي بتتبرع بفستان فرحها وبوست بقاله أسبوع، عشان الذكريات تتمحي، أنتم مالكم”.

وأضافت “مش بتفرحوا غير في المصايب، مش عايزين غير أخبار الفضايح، واللي مش لاقيين حد يربيهم في البيت وتلاقيها مقهورة نفسيا وتكتب إني موقفتش جانبه في أزمته المالية، بتكلمي في إيه يا روح القلب، ده بيدل على البيت اللي أنتي طالعة منه، لو أبوكي وأمك يعرفوا إن ممكن أعملك قضية تشهير مش هيمسكوكي الموبايل أصلا”.

كما نشرت رسالة عبر خاصية “القصص القصيرة”: “آه المرة دي خدت سكرين شوت عشان أفضح أصحابهم مدعين المثالية والشرف، عبيد لايكات ركوب التريند ، وأرجع وأقول كلكم متفرجون ليس إلا، أنا سبتكم مرة تاخدوا راحتكم مش هسيبكم التانية”.