وجه هاشم البسطاوي رسالة للممثلة، صفاء حبيركو، وطالب زوجها بالتدخل كونها خرجت منذ مدة بتصريح يخص عدم وضعها الحجاب، مؤكدة أنها الإيمان في القلب على حد تعبيرها، الأمر الذي أثار غضب الممثل المعتزل.
وخرج البسطاوي بتدوينة مطولة عبر حسابه الشخصي على موقع التواصل الاجتماعي “فايسبوك”، جاء فيها: “بسنطيحة كبيرة وبلسان لا علاج له غير ترديد كلام الله سمعت “امرأة”، ماهي ممثلة، ما هي مغنية ،ما هي عارضة أزياء ماهي كوافورة لا تثبت على معصية واحدة تجعلنا ندعو لها بالإقلاع عنها، قالت مال التوبة هي الحجاب ماعندزي علاش ندزيرو، مالي شكاندزير، كاندزير الخيز..الإيمان فالقلب باطا طي باطاطا..”
وأضاف: “أختي عافاك واش المغنية Diam’s مني تاب عليها المولى عز و جل، واش دارت گُرينات AManda figueras واش رادت queues de cheval .. Sinead O’Connor دارت الترطيبة”.
وتابع: “القرآن أختي يلا عندك انتي نص تاريخي !هاد البلاد راه عندها نص قابل لكل زمان و مكان”أقصد الشعب المغربي القح، وهذا بلد إسلامي والقرآن نصّ لا يطغى عليه أي نص وضعيّ بشري لأنه كلام الخالق المشرّع الرحمٰن، وما حدّو مازال مامطبّقش فالحكومات لا تنتظري الخير أبدا، فأنتي لا نرى منك سوى manucure et pédicure”.
واسترسل كلامه: “لا نرى منك إلا تفاخر في الأولاد ،لا نرى منك إلا تفاخر في الأموال “ها بشحال شغيت الماكياج،هاشنو كانوكل ولادي ،هاكيفاش كانعسهم ها كيفاش كانفيقهم ،هاكيفاش كانبوسهم بلا مانلصّق فيهم العكر، دقيقة هل بهذا تحسبين نفسكِ أمّا مغربية؟”.
وتابع: “حرام عليك اختي، المتابعات را كايتيقو، راه باقين صغارات يلا مشاو تا أنصطالاو شي فكرة تُغضب الله بسببك الوزر عليك أبنتي خليهم يخَفْنَ الله أختي واحد النهار ناويين يرجعو ليه سبحانه”.
وطالب البسطاوي زوج حبيركو بالتدخل قائلا: “سمعتك قلتي فشي قنت آخر : _الزوج ديالي كلمتو ماكاطيحش للأرض.. أخويا دوي مع مراتك أخويا ،وا حنا نضلو نجرو عائلاتنا غي بالفن ،نضل نتحايل على اختي بلا مانعيّق، وتجي مراتك أخويا تبدا دير لينا هاد الخصايل ،كلمتك ماكاطيحش للأرض أخويا هضر معاها “.
وأضاف: “نعلم أنك غارقة في المعاصي كما غرقنا و لا نزال غارقين لكن أختي المسلمة خلّي لداخل هاداك باباك المغربي المسلم، هاداك خوك لي ديما حاضيك ،فين غادة فين جاية ماشي لخاطرو مسيكين نفسو حارة مسلم ،غيور،مايفوتكش، ماكايتفاكش دغيا ،زكروم ،ماباغيش اختو تقولب ””’فمجتمع ولاو الأغلبية فيه مابقاش كايكفيهم يجاهروا بالمعصية بل و الدعوة إليها و يقدّمونها على شكل طبق يسمى”التفتح ، والله أختي حتى غاتلقاي غير الله، الأخت مصطفاء خريبقو صححي للمتابعات”.
